சென்னை மற்றும் அதன் சுற்றுப்புறத்தில் மினி பேருந்துகளை இயக்குவதற்கு விண்ணப்பிக்கலாம் : மாவட்ட ஆட்சியர்

சென்னை : சென்னை மற்றும் அதன் சுற்றுப்புறங்களில் (சென்னை வடக்கு மற்றும் தெற்கு மண்டலத்திற்கு உட்பட) மினி பேருந்துகளை இயக்குவதற்கான புதிய வழித்தடங்கள் கண்டறியப்பட்டுள்ளன. அந்த வழித்தடங்களில் பொதுமக்களின் பயன்பாட்டிற்காக மினி பேருந்து இயக்குவதற்கு புதிய அனுமதி சீட்டு பெற விண்ணப்பிக்கலாம் என மாவட்ட ஆட்சித்தலைவர் ரஷ்மி சித்தார்த் ஜகடே தெரிவித்துள்ளார். புதியதாக கண்டறியப்பட்டுள்ள 72 வழித்தடங்களில் மினி பேருந்துகளை இயக்க விரும்புவோர் குறிப்பிட்ட வழித்தட விவரங்களை குறிப்பிட்டு சம்மந்தப்பட்ட வட்டார போக்குவரத்து அலுவலகத்தில் 10.03.2025-க்கு முன்பு விண்ணப்பிக்கலாம்.